Fransiyalik yulduzli hujumchi Kilian Mbappe Madridning «Real» klubi ixtiyoriga qaytdi va individual dastur asosida mashg‘ulot o‘tkazdi. Bu haqda AS jurnalistlari xabar bermoqda.

Hujumchi 21 fevraldan beri maydonga tushmayotgan edi. Mbappega chap tizza bog‘lamlarining shikastlanishi tashxisi qo‘yilgandi. Jarohati sababli 27 yoshli futbolchi «qaymoqranglilar»ning Ispaniya La Ligasidagi so‘nggi ikkita o‘yinini o‘tkazib yubordi.

Joriy mavsumda Kilian 33 ta uchrashuvda ishtirok etib, 38 ta gol urishga muvaffaq bo‘ldi.

Chorshanba kuni, 11 martda «qirollik klubi» Chempionlar ligasi 1/8 finali doirasida «Manchester Siti»ga qarshi dastlabki o‘yinni o‘tkazadi.