Франциялик юлдузли ҳужумчи Килиан Мбаппе Мадриднинг «Реал» клуби ихтиёрига қайтди ва индивидуал дастур асосида машғулот ўтказди. Бу ҳақда AS журналистлари хабар бермоқда.

Ҳужумчи 21 февралдан бери майдонга тушмаётган эди. Мбаппега чап тизза боғламларининг шикастланиши ташхиси қўйилганди. Жароҳати сабабли 27 ёшли футболчи «қаймоқранглилар»нинг Испания Ла Лигасидаги сўнгги иккита ўйинини ўтказиб юборди.

Жорий мавсумда Килиан 33 та учрашувда иштирок этиб, 38 та гол уришга муваффақ бўлди.

Чоршанба куни, 11 мартда «қироллик клуби» Чемпионлар лигаси 1/8 финали доирасида «Манчестер Сити»га қарши дастлабки ўйинни ўтказади.