«Gamburg» himoyachisi Luka Vushkovichning manfaatlarini himoya qiluvchi futbol agenti Pini Zaxavi o‘z mijoziga «Barselona» tomonidan bo‘layotgan qiziqishlar haqidagi mish-mishlarga munosabat bildirdi.

«Hozircha bu borada biror izoh bera olmayman. Ayni damda Luka bor e’tiborini «Gamburg»dagi o‘yinlariga qaratgan», — deya Zaxavining so‘zlarini keltiradi Ispaniyaning Sport nashri.

Joriy mavsumda Vushkovich ijara asosida «Gamburg» sharafini himoya qilmoqda. Uning transfer huquqi «Tottenxem»ga tegishli bo‘lib, shartnoma 2030 yilning yoziga qadar amal qiladi. Transfermarkt portali himoyachini 40 million yevroga baholagan.

Ushbu mavsumda xorvatiyalik futbolchi Bundesligada 22 ta uchrashuvda maydonga tushib, 5 ta gol urdi va 1 ta golli uzatmani amalga oshirdi.