«Гамбург» ҳимоячиси Лука Вушковичнинг манфаатларини ҳимоя қилувчи футбол агенти Пини Захави ўз мижозига «Барселона» томонидан бўлаётган қизиқишлар ҳақидаги миш-мишларга муносабат билдирди.

«Ҳозирча бу борада бирор изоҳ бера олмайман. Айни дамда Лука бор эътиборини «Гамбург»даги ўйинларига қаратган», — дея Захавининг сўзларини келтиради Испаниянинг Sport нашри.

Жорий мавсумда Вушкович ижара асосида «Гамбург» шарафини ҳимоя қилмоқда. Унинг трансфер ҳуқуқи «Тоттенхэм»га тегишли бўлиб, шартнома 2030 йилнинг ёзига қадар амал қилади. Transfermarkt портали ҳимоячини 40 миллион еврога баҳолаган.

Ушбу мавсумда хорватиялик футболчи Бундеслигада 22 та учрашувда майдонга тушиб, 5 та гол урди ва 1 та голли узатмани амалга оширди.