«Roma»ning afsonaviy yarim himoyachisi Franchesko Totti klubga qaytishga yaqin turibdi. Bu haqda insayder Nikola Skira xabar bermoqda.

Manba bergan ma’lumotga ko‘ra, 49 yoshli Totti bilan muzokaralar yakuniy bosqichda. Ayni damda tomonlar so‘nggi detallarni kelishib olishmoqda. Barcha sobiq futbolchining «Roma»ga qaytishiga ishonchi komil. Biroq afsonaviy o‘yinchi klubda aynan qaysi lavozimni egallashi hozircha noma’lum.

Totti — «Roma» tarbiyalanuvchisi hisoblanadi. U futbolchilik faoliyatining barcha qismini aynan Rim jamoasida o‘tkazgan. Uning hisobida barcha turnirlarda 785 ta o‘yin, 307 ta gol va 205 ta golli uzatma mavjud.

Italiya A Seriyasining 28 turidan so‘ng «Roma» 51 ochko bilan turnir jadvalida beshinchi pog‘onani egallab turibdi.