«Chelsi» yarim himoyachisi Andrey Santos faoliyatini A Seriyada davom ettirishi mumkin.
NTVASCO nashri bergan ma’lumotlarga ko‘ra, braziliyalik futbolchining transferiga «Yuventus» qiziqish bildirmoqda. Turin klubi shu yozda 21 yoshli futbolchini sotib olish imkoniyatini ko‘rib chiqmoqda.
Andrey Santos 2023 yilda «Vasko da Gama»dan «Chelsi» safiga 12 million yevro evaziga o‘tgan edi. Uning London klubi bilan shartnomasi 2030 yilning 30 iyuniga qadar mo‘ljallangan. Joriy mavsumda yarim himoyachi «ko‘klar» safida barcha musobaqalarda 35 ta o‘yinda maydonga tushib, 1 ta gol urdi va 4 ta golli uzatmani amalga oshirdi. Transfermarkt portali Santosning transfer qiymatini 45 million yevroga baholamoqda.
