«Челси» ярим ҳимоячиси Андрей Сантос фаолиятини А Серияда давом эттириши мумкин.
NTVASCO нашри берган маълумотларга кўра, бразилиялик футболчининг трансферига «Ювентус» қизиқиш билдирмоқда. Турин клуби шу ёзда 21 ёшли футболчини сотиб олиш имкониятини кўриб чиқмоқда.
Андрей Сантос 2023 йилда «Васко да Гама»дан «Челси» сафига 12 миллион евро эвазига ўтган эди. Унинг Лондон клуби билан шартномаси 2030 йилнинг 30 июнига қадар мўлжалланган. Жорий мавсумда ярим ҳимоячи «кўклар» сафида барча мусобақаларда 35 та ўйинда майдонга тушиб, 1 та гол урди ва 4 та голли узатмани амалга оширди. Transfermarkt портали Сантоснинг трансфер қийматини 45 миллион еврога баҳоламоқда.
