«Liverpul» bosh murabbiyi Arne Slot hamon klub rahbariyati tomonidan qo‘llab-quvvatlanmoqda.
«Qizillar» Premyer-ligada mavsumni omadsiz o‘tkazishmoqda, shuningdek, Chempionlar ligasini tark etish xavfi ostida turishibdi: 1/8 finalning ilk bahsida mersisaydliklar «Galatasaroy»ga 0:1 hisobida imkoniyatni boy berishdi. Jurnalist Devid Ornshteynning ma’lumotlariga ko‘ra, yaqqol ko‘zga tashlanib qolgan muammolarga qaramay, «Liverpul» Slotga to‘liq ishonishda davom etmoqda. Klub boshliqlari niderlandiyalik mutaxassis vaziyatni o‘nglay olishiga va uzoq muddatli istiqbolda muvaffaqiyatga erishishiga qat’iy ishonishadi.
Yaqinda matbuotda Slotning ehtimoliy iste’fosi va mavsum yakunlanganidan keyin uning o‘rniga Xabi Alonso tayinlanishi mumkinligi haqidagi mish-mishlar yana qayta tarqalgandi.
