«Ливерпуль» бош мураббийи Арне Слот ҳамон клуб раҳбарияти томонидан қўллаб-қувватланмоқда.
«Қизиллар» Премьер-лигада мавсумни омадсиз ўтказишмоқда, шунингдек, Чемпионлар лигасини тарк этиш хавфи остида туришибди: 1/8 финалнинг илк баҳсида мерсисайдликлар «Галатасарой»га 0:1 ҳисобида имкониятни бой беришди. Журналист Дэвид Орнштейннинг маълумотларига кўра, яққол кўзга ташланиб қолган муаммоларга қарамай, «Ливерпуль» Слотга тўлиқ ишонишда давом этмоқда. Клуб бошлиқлари нидерландиялик мутахассис вазиятни ўнглай олишига ва узоқ муддатли истиқболда муваффақиятга эришишига қатъий ишонишади.
Яқинда матбуотда Слотнинг эҳтимолий истеъфоси ва мавсум якунланганидан кейин унинг ўрнига Хаби Алонсо тайинланиши мумкинлиги ҳақидаги миш-мишлар яна қайта тарқалганди.
