«Manchester Siti»ning ispaniyalik tayanch yarim himoyachisi Rodri Ernandes Madridning «Real» klubiga qarshi qarama-qarshilikda «kambek» amalga oshirishga ishonish-ishonmasligi haqidagi savolga javob berdi. Chempionlar ligasi 1/8 finalining ilk bahsida «shaharliklar» safarda 0:3 hisobida yirik mag‘lubiyatga uchragan edi.
«Biz har doim kambekka ishonamiz», — deya yarim himoyachining so‘zlarini keltiradi insayder Fabrisio Romano o‘zining ijtimoiy tarmoqlardagi sahifalarida.
Eslatib o‘tamiz, bo‘lib o‘tgan uchrashuvda urugvaylik yarim himoyachi Federiko Valverde uchta gol urib, xet-trik qayd etgan edi.
«Manchester Siti» va «Real» o‘rtasidagi javob o‘yini 17 mart, seshanba kuni «Etixad» stadionida bo‘lib o‘tadi. Ushbu juftlik g‘olibi turnirning chorak finaliga yo‘l oladi.
