«Манчестер Сити»нинг испаниялик таянч ярим ҳимоячиси Родри Эрнандес Мадриднинг «Реал» клубига қарши қарама-қаршиликда «камбэк» амалга оширишга ишониш-ишонмаслиги ҳақидаги саволга жавоб берди. Чемпионлар лигаси 1/8 финалининг илк баҳсида «шаҳарликлар» сафарда 0:3 ҳисобида йирик мағлубиятга учраган эди.
«Биз ҳар доим камбэкка ишонамиз», — дея ярим ҳимоячининг сўзларини келтиради инсайдер Фабрицио Романо ўзининг ижтимоий тармоқлардаги саҳифаларида.
Эслатиб ўтамиз, бўлиб ўтган учрашувда уругвайлик ярим ҳимоячи Федерико Вальверде учта гол уриб, хет-трик қайд этган эди.
«Манчестер Сити» ва «Реал» ўртасидаги жавоб ўйини 17 март, сешанба куни «Этихад» стадионида бўлиб ўтади. Ушбу жуфтлик ғолиби турнирнинг чорак финалига йўл олади.
