O‘tmishning mashhur futbolchisi Ueyn Runi «Tottenxem»ning hozirgi ahvoli haqida o‘z fikrlarini bildirdi. London jamoasi hozirda Premyer-liganing xavfli hududidan atigi bir ochko oldinda bormoqda.

«Oxirgi bir necha hafta ichida «Tottenxem»ni pastki ligaga tushib ketadi deb o‘ylamagandim. Ammo so‘nggi o‘yinlardan keyin ular haqiqatan ham chiqib ketishlari mumkin deb hisoblayman. Robbi Kinning o‘rnida bo‘lganimda, hozirgi vaziyatda «Tottenxem»ni boshqarish uchun o‘z lavozimimni aslo tark etmagan bo‘lardim», — dedi Runi The Overlap dasturida.

Avvalroq, o‘z vaqtida jamoa safida to‘p surgan Robbi Kin «Tottenxem» boshqaruvini qo‘lga olishi mumkinligi haqida xabarlar tarqalgan edi. Kin 2025 yilning boshidan buyon Vengriyaning «Ferensvarosh» klubini boshqarib kelmoqda.