Ўтмишнинг машҳур футболчиси Уэйн Руни «Тоттенхэм»нинг ҳозирги аҳволи ҳақида ўз фикрларини билдирди. Лондон жамоаси ҳозирда Премьер-лиганинг хавфли ҳудудидан атиги бир очко олдинда бормоқда.
«Охирги бир неча ҳафта ичида «Тоттенхэм»ни пастки лигага тушиб кетади деб ўйламагандим. Аммо сўнгги ўйинлардан кейин улар ҳақиқатан ҳам чиқиб кетишлари мумкин деб ҳисоблайман. Робби Киннинг ўрнида бўлганимда, ҳозирги вазиятда «Тоттенхэм»ни бошқариш учун ўз лавозимимни асло тарк этмаган бўлардим», — деди Руни The Overlap дастурида.
Аввалроқ, ўз вақтида жамоа сафида тўп сурган Робби Кин «Тоттенхэм» бошқарувини қўлга олиши мумкинлиги ҳақида хабарлар тарқалган эди. Кин 2025 йилнинг бошидан буён Венгриянинг «Ференцварош» клубини бошқариб келмоқда.
