Londonning «Arsenal» klubi sobiq futbolchisi Pol Merson jamoa bo‘lajak turdayoq o‘ziga chempionlikni kafolatlashi mumkin deb hisoblaydi.
Shanba kuni «to‘pchilar» o‘z maydonlarida «Everton»ni qabul qilishadi, «Manchester Siti» esa «Vest Xem» mehmoni bo‘ladi. Ayni damda Mikel Arteta shogirdlari 30 ta o‘yindan so‘ng 67 ochko jamg‘argan holda turnir jadvalida peshqadamlik qilmoqda. «Shaharliklar» esa bitta zaxira o‘yiniga ega bo‘lsa-da, peshqadamdan yetti ochkoga ortda qolmoqda.
«Everton» — noqulay raqib, lekin men «Arsenal» keskin kurashlarga boy o‘yinda 2:1 hisobida g‘alaba qozonishini kutyapman. Agar «Manchester Siti» «Vest Xem»ni mag‘lub eta olmasa va «Arsenal» haqiqatan ham zafar quchsa, unda chempionlik poygasi yakunlanadi! «Siti» uchun bu juda muhim hafta — ular sanoqli kunlar ichida ham Chempionlar ligasi, ham APLdagi muvaffaqiyat imkoniyatlaridan mahrum bo‘lish xavfi ostida turibdi. «Real»dan uchralgan mag‘lubiyat ularni ruhan tushirib yubordi, shu bois men «Vest Xem» bilan o‘yinda 2:2 hisobidagi durangni taxmin qilaman», — deya Mersonning so‘zlarini keltirmoqda «Arsenal News Channel».
Eslatib o‘tamiz, «Arsenal» oxirgi uchta mavsumni ikkinchi o‘rinda yakunlagan edi.
