«Barselona» prezidentligiga nomzod Viktor Font Lionel Messi klubda qaysi lavozimni egallashi mumkinligini albatta biladi.
Argentinalik yulduzning futbolchi sifatida qaytishi amrimahol, biroq faoliyatini yakunlaganidan so‘ng, u Kataloniyaga qaytishga tayyor bo‘lishi kutilmoqda. Ayni damda hujumchi «Inter Mayami» sharafini himoya qilmoqda.
«Men Messining xuddi o‘z vaqtida Kroyf bo‘lgani kabi «Barselona»ning faxriy prezidenti bo‘lishini istayman. Biz «Barsa» brendi bilan Messi brendini birlashtirishimiz kerak. Hozirda biz buni qilmayapmiz, natijada klub mablag‘ yo‘qotmoqda. Qolaversa, bu hissiyotlar bilan bog‘liq masala hamdir», — deya Fontning so‘zlarini keltirmoqda «BarcaTimes».
«Barselona» prezidenti uchun saylovlar 15 mart kuni bo‘lib o‘tadi. Fontning yagona raqibi — Joan Laporta.













