«Барселона» президентлигига номзод Виктор Фонт Лионель Месси клубда қайси лавозимни эгаллаши мумкинлигини албатта билади.
Аргентиналик юлдузнинг футболчи сифатида қайтиши амримаҳол, бироқ фаолиятини якунлаганидан сўнг, у Каталонияга қайтишга тайёр бўлиши кутилмоқда. Айни дамда ҳужумчи «Интер Майами» шарафини ҳимоя қилмоқда.
«Мен Мессининг худди ўз вақтида Кройф бўлгани каби «Барселона»нинг фахрий президенти бўлишини истайман. Биз «Барса» бренди билан Месси брендини бирлаштиришимиз керак. Ҳозирда биз буни қилмаяпмиз, натижада клуб маблағ йўқотмоқда. Қолаверса, бу ҳиссиётлар билан боғлиқ масала ҳамдир», — дея Фонтнинг сўзларини келтирмоқда «BarcaTimes».
«Барселона» президенти учун сайловлар 15 март куни бўлиб ўтади. Фонтнинг ягона рақиби — Жоан Лапорта.
