Vinger Lamin Yamal juma kuni "Barselona" bilan mashg‘ulotlarni qayta tikladi. Bir kun avval 18 yoshli futbolchi o‘zini noxush his qilgani sababli mashg‘ulotlarda qatnashmagan edi. Yamal to‘liq sog‘aydi va Ispaniya chempionatining navbatdagi o‘yinida "ko‘k-anorranglilar"ga yordam berishga tayyor.

Yakshanba kuni, 15 mart kuni "Barselona" o‘z maydonida "Sevilya"ni qabul qiladi. "Kamp Nou"dagi o‘yin Toshkent vaqti bilan soat 20:15 da boshlanadi.

2025/2026 yilgi mavsumda Lamin Yamal 37 ta o‘yinda maydonga tushib, ularda 20 ta gol urdi va 15 ta golli uzatmani amalga oshirdi.