Londonning "Arsenal" jamoasi bosh murabbiyi Mikel Arteta Liga kubogi finali uchun boshlang‘ich tarkib haqidagi savolga javob berdi.
«Men hali tarkibni to‘liq aniqlab olmadim. Chunki jamoamiz juda qisqa vaqt ichida beshta o‘yin o‘tkazdi va har bir bahsga tayyorgarlikda qaysi futbolchi qancha daqiqa o‘ynay olishini hisobga olishimizga to‘g‘ri keladi. Balki keyingi o‘yin uchun qanday qaror qabul qilish mumkinligi haqida tasavvuringiz bordir, ammo hozirgi vaziyatda ikki yoki uchta o‘yindan keyin nima bo‘lishini oldindan aytish juda qiyin», — dedi Arteta klubning rasmiy saytiga bergan intervyusida.
"Arsenal" va "Manchester Siti" o‘rtasidagi Angliya Liga kubogi finali 22 mart kuni Londondagi "Uembli" stadionida bo‘lib o‘tadi. Uchrashuv Toshkent vaqti bilan 23:30 da boshlanishi rejalashtirilgan.













