«Manchester Siti» bosh murabbiyi Xosep Gvardiola Chempionlar ligasi doirasida «Real»ga qarshi bo‘lib o‘tgan ilk uchrashuv haqida o‘z fikrlari bilan o‘rtoqlashdi.
«Real»ga qarshi o‘yinning dastlabki 20 daqiqasi, birinchi o‘tkazib yuborilgan golgacha bo‘lgan vaqt oralig‘i ajoyib o‘tdi. Bu bizning «Bernabeu»dagi eng yaxshi davrlarimizdan biri bo‘ldi. Bu juda zo‘r edi! Biz hujum qilish va xavf solish uchun kelgandik va buni uddaladik! Ammo keyin ehtiroslar ustunlik qilib ketdi», — deya Gvardiolaning so‘zlaridan iqtibos keltiradi jurnalist Fabrisio Romano.
Eslatib o‘tamiz, Chempionlar ligasi 1/8 finalining ilk bahsida «Manchester Siti» safarda «Real»dan 0:3 hisobida qaqshatqich mag‘lubiyatga uchradi. Javob uchrashuvi 17 mart kuni «Etixad» stadionida bo‘lib o‘tadi.
