Londonning «Tottenxem» klubi bosh murabbiyi Igor Tudor jamoadagi murakkab vaziyat haqida ochiqchasiga gapirdi. Murabbiy futbolchilarning «shporlar»ning turnir jadvalidagi holatini o‘zgartirish istagi borligini ta’kidladi.
Avvalroq, futbolchilarning bir qismi mutaxassisga va uning ish uslublariga ishonmay qo‘ygani haqida xabarlar tarqalgan edi.
«Odamlar yangi murabbiy keladi-yu, hamma narsa o‘zgaradi, muammolar yechiladi deb o‘ylashadi. Bu meni kuldiradi», — deya uning so‘zlarini keltiradi «Sky Sport».
Tudorning shikoyat qilishicha, u muammolarga yangi yechim topgan zahoti voqealar jamoaga qarshi aylanib ketmoqda — masalan, qaysidir futbolchi jarohat oladi yoki qizil kartochka olib maydonni tark etadi.
«Tottenxem» ketma-ket oltita o‘yinda mag‘lubiyatga uchradi. Chempionlar ligasi 1/8 finalining dastlabki bahsida «shporlar» Madridning «Atletiko» jamoasidan qaqshatqich mag‘lubiyatni (2:5) qabul qilib olishdi.
