Лондоннинг «Тоттенхэм» клуби бош мураббийи Игор Тудор жамоадаги мураккаб вазият ҳақида очиқчасига гапирди. Мураббий футболчиларнинг «шпорлар»нинг турнир жадвалидаги ҳолатини ўзгартириш истаги борлигини таъкидлади.

Аввалроқ, футболчиларнинг бир қисми мутахассисга ва унинг иш услубларига ишонмай қўйгани ҳақида хабарлар тарқалган эди.

«Одамлар янги мураббий келади-ю, ҳамма нарса ўзгаради, муаммолар ечилади деб ўйлашади. Бу мени кулдиради», — дея унинг сўзларини келтиради «Sky Sport».

Тудорнинг шикоят қилишича, у муаммоларга янги ечим топган заҳоти воқеалар жамоага қарши айланиб кетмоқда — масалан, қайсидир футболчи жароҳат олади ёки қизил карточка олиб майдонни тарк этади.

«Тоттенхэм» кетма-кет олтита ўйинда мағлубиятга учради. Чемпионлар лигаси 1/8 финалининг дастлабки баҳсида «шпорлар» Мадриднинг «Атлетико» жамоасидан қақшатқич мағлубиятни (2:5) қабул қилиб олишди.