Darvozabon Yan Oblak Ispaniya chempionatining navbatdagi turi doirasidagi «Xetafe»ga qarshi o‘yinda «Atletiko»ga yordam bera olmaydi.

Marca nashrining xabar berishicha, tajribali sloveniyalik posbon diskomfort tufayli maydonga tushmaydi. «Atletiko» shanba kuni, 14 mart kuni o‘z maydonida «Xetafe»ni qabul qiladi. Uchrashuv Toshkent vaqti bilan soat 20:15 da start oladi.

2025/2026 yilgi mavsumda Yan Oblak 37 ta o‘yinda ishtirok etib, o‘z darvozasidan 47 ta gol o‘tkazib yubordi. 33 yoshli sloveniyalik futbolchining «Atletiko» bilan amaldagi shartnomasi 2028 yilning o‘rtalarigacha mo‘ljallangan.