Дарвозабон Ян Облак Испания чемпионатининг навбатдаги тури доирасидаги «Хетафе»га қарши ўйинда «Атлетико»га ёрдам бера олмайди.
Marca нашрининг хабар беришича, тажрибали словениялик посбон дискомфорт туфайли майдонга тушмайди. «Атлетико» шанба куни, 14 март куни ўз майдонида «Хетафе»ни қабул қилади. Учрашув Тошкент вақти билан соат 20:15 да старт олади.
2025/2026 йилги мавсумда Ян Облак 37 та ўйинда иштирок этиб, ўз дарвозасидан 47 та гол ўтказиб юборди. 33 ёшли словениялик футболчининг «Атлетико» билан амалдаги шартномаси 2028 йилнинг ўрталаригача мўлжалланган.
