«Chelsi» ketma-ket ikkita o‘yinda mag‘lubiyatga uchradi.
Liem Rosenyor shogirdlari APLning 30-turi doirasida o‘z maydonlarida «Nyukasl»ga imkoniyatni boy berishdi (0:1). Bundan avvalroq londonliklar Chempionlar Ligasi 1/8 finalining dastlabki uchrashuvida «PSJ»dan mag‘lub bo‘lishgan edi (2:5).
Chempionat doirasida «Chelsi» oxirgi beshta o‘yinda bor-yo‘g‘i bitta g‘alabaga erishdi, shuningdek, ikkita durang va ikkita mag‘lubiyat qayd etdi.
17 mart kuni «ko‘klar» Chempionlar Ligasi 1/8 finalining javob uchrashuvi doirasida «PSJ»ni qabul qilishadi.
