«Челси» кетма-кет иккита ўйинда мағлубиятга учради.

Лиэм Росеньор шогирдлари АПЛнинг 30-тури доирасида ўз майдонларида «Ньюкасл»га имкониятни бой беришди (0:1). Бундан аввалроқ лондонликлар Чемпионлар Лигаси 1/8 финалининг дастлабки учрашувида «ПСЖ»дан мағлуб бўлишган эди (2:5).

Чемпионат доирасида «Челси» охирги бешта ўйинда бор-йўғи битта ғалабага эришди, шунингдек, иккита дуранг ва иккита мағлубият қайд этди.

17 март куни «кўклар» Чемпионлар Лигаси 1/8 финалининг жавоб учрашуви доирасида «ПСЖ»ни қабул қилишади.