«Nottingem Forest» yarim himoyachisi Elliot Anderson «Nyukasl»ga qaytishi mumkin. Bu haqda TEAMtalk nashri xabar bermoqda.
Manba bergan ma’lumotlarga ko‘ra, «qarg‘alar» 23 yoshli futbolchini yozgi transfer oynasi vaqtida sotib olishlari mumkin. Ta’kidlanishicha, agar Bruno Gimaraesh yoki Sandro Tonali jamoani tark etadigan bo‘lsa, «Nyukasl» Andersonni ularga munosib o‘rinbosar sifatida ko‘rmoqda.
Joriy mavsumda Anderson barcha turnirlarni inobatga olgan holda 38 ta o‘yinda ishtirok etdi, o‘z hisobiga ikkita gol va uchta golli uzatmani yozdirib qo‘ydi.
Yarim himoyachining «Nottingem Forest» bilan amaldagi shartnomasi 2029 yilgacha mo‘ljallangan. Transfermarkt ekspertlari futbolchining qiymatini 60 million yevroga baholamoqda.
