Turkiyaning «Fenerbaxche» klubi chap qanot himoyachisi Archi Braun faoliyatini Ispaniyada davom ettirishi mumkin. Jurnalist Nikolo Skiraning xabar berishicha, ingliz futbolchisi Madridning «Atletiko» klubi qiziqishlar doirasiga tushgan.
Manba bergan ma’lumotlarga ko‘ra, «matraschilar» rahbariyati Braunning Turkiyadagi o‘yinlarini diqqat bilan kuzatib bormoqda. Yozgi transfer oynasi vaqtida «Atletiko», ehtimol, «Fenerbaxche»ga himoyachini sotib olish bo‘yicha rasmiy taklif yuboradi.
Archi Braun Turkiya klubi safida 2025 yilning yozidan buyon to‘p surib kelmoqda. «Fenerbaxche» libosida 23 yoshli futbolchi 30 ta o‘yin o‘tkazib, o‘z hisobiga to‘rtta gol va oltita golli uzatmani yozdirib qo‘ydi.
Nufuzli Transfermarkt portali Braunni 9 million yevroga baholamoqda.
