Туркиянинг «Фенербахче» клуби чап қанот ҳимоячиси Арчи Браун фаолиятини Испанияда давом эттириши мумкин. Журналист Николо Скиранинг хабар беришича, инглиз футболчиси Мадриднинг «Атлетико» клуби қизиқишлар доирасига тушган.

Манба берган маълумотларга кўра, «матрасчилар» раҳбарияти Брауннинг Туркиядаги ўйинларини диққат билан кузатиб бормоқда. Ёзги трансфер ойнаси вақтида «Атлетико», эҳтимол, «Фенербахче»га ҳимоячини сотиб олиш бўйича расмий таклиф юборади.

Арчи Браун Туркия клуби сафида 2025 йилнинг ёзидан буён тўп суриб келмоқда. «Фенербахче» либосида 23 ёшли футболчи 30 та ўйин ўтказиб, ўз ҳисобига тўртта гол ва олтита голли узатмани ёздириб қўйди.

Нуфузли Transfermarkt портали Браунни 9 миллион еврога баҳоламоқда.