Yakshanba kuni «Liverpul» o‘z muxlislarini xursand qila olmadi — Premyer-liga doirasida «Tottenxem»ga qarshi kechgan uy uchrashuvi 1:1 hisobidagi durang bilan yakunlandi. O‘tmishning mashhur futbolchisi Roy Kin «qizillar» haqida o‘z fikrini bildirdi.

«Liverpul» o‘z-o‘ziga ko‘zguda boqishi va shunday deyishi kerak: «Keling, o‘yin oxirida gollar uradigan o‘tgan yilgi kurashchanlik va ishtiyoqimizga qaytaylik». Futbolchilar mas’uliyatni o‘z zimmalariga olishlari lozim. Ular maktab bolalari darajasidagi golni o‘tkazib yuborishdi», — dedi Kin Sky Sports efirida.

Ayni damda «Liverpul» Premyer-liga turnir jadvalida Chempionlar ligasi hududidan tashqarida — beshinchi o‘rinda bormoqda. Keyingi turda «qizillar» «Brayton»ga qarshi maydonga tushadi.