«Tottenxem» safarda «Liverpul» bilan bahsda durangni ilib ketdi — 1:1. O‘yindan so‘ng «shporlar» bosh murabbiyi Igor Tudor o‘z fikrlarini bildirdi. Bu uning boshqaruvida «Tottenxem» ilk bor mag‘lubiyatdan qutulib qolgan holat bo‘ldi.
«Biz bunga loyiq edik, deb ayta olaman. Ko‘p mehnat qilindi, hamma narsani to‘g‘ri bajarishga va jamoa bo‘lib harakat qilishga intilish kuchli bo‘ldi. Bu oson bo‘lmadi, lekin men futbolchilarim uchun xursandman. Men baxtliman. Bu stadionda («Enfild»da) hech qachon oson bo‘lmaydi. Mentalitet borasida bizda aniq o‘sish bor. Biz bu yerga amalda 12 nafar futbolchi bilan kelgan edik. Bu muhim natija», — dedi Tudor Match of the Day ko‘rsatuvida.
Hozirda «Tottenxem» Angliya chempionati turnir jadvalida 16-o‘rinda bormoqda.
