«Тоттенхэм» сафарда «Ливерпуль» билан баҳсда дурангни илиб кетди — 1:1. Ўйиндан сўнг «шпорлар» бош мураббийи Игор Тудор ўз фикрларини билдирди. Бу унинг бошқарувида «Тоттенхэм» илк бор мағлубиятдан қутулиб қолган ҳолат бўлди.

«Биз бунга лойиқ эдик, деб айта оламан. Кўп меҳнат қилинди, ҳамма нарсани тўғри бажаришга ва жамоа бўлиб ҳаракат қилишга интилиш кучли бўлди. Бу осон бўлмади, лекин мен футболчиларим учун хурсандман. Мен бахтлиман. Бу стадионда («Энфилд»да) ҳеч қачон осон бўлмайди. Менталитет борасида бизда аниқ ўсиш бор. Биз бу ерга амалда 12 нафар футболчи билан келган эдик. Бу муҳим натижа», — деди Тудор Match of the Day кўрсатувида.

Ҳозирда «Тоттенхэм» Англия чемпионати турнир жадвалида 16-ўринда бормоқда.