«Yuventus» hujumchisi Jonatan Devid yozgi transfer oynasida jamoadan ketishi mumkin.
Kanadalik futbolchi Italiyaga ko‘chib o‘tganidan keyingi debyut mavsumida o‘z salohiyatini to‘liq namoyon eta olmadi. Insayder Nikolo Skiraning ma’lumotlariga ko‘ra, «Yuventus» Devidni «dahlsiz» futbolchi deb hisoblamaydi, chunki jamoa ustozi Luchano Spalletti asosiy urg‘uni boshqa hujumchilarga qaratishni rejalashtirmoqda. So‘nggi kunlarda Angliya Premyer-ligasining ikkita klubi 26 yoshli futbolchi bo‘yicha so‘rov yuborgan, shuningdek, «Lill»ning sobiq yulduziga Fransiya Liga 1 jamoalaridan ham qiziqish bor.
Jonatan Devid joriy mavsumda «byankoneri» safida 39 ta o‘yinda ishtirok etib, yettita gol va beshta golli uzatmani o‘z hisobiga yozib qo‘ydi. Transfermarkt portalida uning narxi 35 million yevro etib belgilangan.
