«Ювентус» ҳужумчиси Жонатан Дэвид ёзги трансфер ойнасида жамоадан кетиши мумкин.
Канадалик футболчи Италияга кўчиб ўтганидан кейинги дебют мавсумида ўз салоҳиятини тўлиқ намоён эта олмади. Инсайдер Николо Скиранинг маълумотларига кўра, «Ювентус» Дэвидни «даҳлсиз» футболчи деб ҳисобламайди, чунки жамоа устози Лучано Спаллетти асосий урғуни бошқа ҳужумчиларга қаратишни режалаштирмоқда. Сўнгги кунларда Англия Премьер-лигасининг иккита клуби 26 ёшли футболчи бўйича сўров юборган, шунингдек, «Лилль»нинг собиқ юлдузига Франция Лигa 1 жамоаларидан ҳам қизиқиш бор.
Жонатан Дэвид жорий мавсумда «бьянконери» сафида 39 та ўйинда иштирок этиб, еттита гол ва бешта голли узатмани ўз ҳисобига ёзиб қўйди. Transfermarkt порталида унинг нархи 35 миллион евро этиб белгиланган.
