«Barselona» prezidenti Joan Laporta lavozimiga qayta saylanganidan so‘ng balandparvoz bayonot bilan chiqish qildi. Kuni kecha u saylovda 68% ovoz to‘plab, g‘alaba qozondi. Laportaning yangi prezidentlik muddati 2031 yilgacha davom etadi.
Joan kelgusi yillar ehtiroslarga boy bo‘lishini ta’kidladi. Uning e’lon qilishicha, «Barselona» yaqin kelajakda yengilmas jamoaga aylanadi.
«Bu yillar ehtiros va buyuklikka to‘la bo‘ladi. Biz yengilmas bo‘lamiz», — deya Laportaning so‘zlaridan iqtibos keltirmoqda jurnalist Fabrisio Romano ijtimoiy tarmoqlardagi sahifasida.
