«Барселона» президенти Жоан Лапорта лавозимига қайта сайланганидан сўнг баландпарвоз баёнот билан чиқиш қилди. Куни кеча у сайловда 68% овоз тўплаб, ғалаба қозонди. Лапортанинг янги президентлик муддати 2031 йилгача давом этади.
Жоан келгуси йиллар эҳтиросларга бой бўлишини таъкидлади. Унинг эълон қилишича, «Барселона» яқин келажакда енгилмас жамоага айланади.
«Бу йиллар эҳтирос ва буюкликка тўла бўлади. Биз енгилмас бўламиз», — дея Лапортанинг сўзларидан иқтибос келтирмоқда журналист Фабрицио Романо ижтимоий тармоқлардаги саҳифасида.
