Braziliya terma jamoasi bosh murabbiyi Karlo Anchelotti hujumchi Vinisius Juniorni ta’riflab berdi. Italiyalik mutaxassis Vini bilan bir necha yildan beri ishlab kelmoqda, chunki u avvalroq "Real"ni boshqargan edi.

"Vinisius Junior braziliyaliklarga xos bo‘lgan barcha fazilatlarga ega. Braziliyalik — bu quvnoq va juda kamtar inson. Braziliya terma jamoasida birorta ham manman inson yo‘q — xuddi men taniydigan barcha braziliyaliklar kabi. Vini — kamtar, quvnoq va favqulodda iqtidor sohibi", — deya Anchelottining so‘zlarini The Touchline nashri keltirmoqda.

Shu yozda Braziliya terma jamoasi jahon chempionatida ishtirok etadi. Mundialning guruh bosqichida "selesao" Shotlandiya, Marokash va Gaiti terma jamoalariga qarshi maydonga tushadi.