Бразилия терма жамоаси бош мураббийи Карло Анчелотти ҳужумчи Винисиус Жуниорни таърифлаб берди. Италиялик мутахассис Вини билан бир неча йилдан бери ишлаб келмоқда, чунки у аввалроқ "Реал"ни бошқарган эди.
"Винисиус Жуниор бразилияликларга хос бўлган барча фазилатларга эга. Бразилиялик — бу қувноқ ва жуда камтар инсон. Бразилия терма жамоасида бирорта ҳам манман инсон йўқ — худди мен танийдиган барча бразилияликлар каби. Вини — камтар, қувноқ ва фавқулодда иқтидор соҳиби", — дея Анчелоттининг сўзларини The Touchline нашри келтирмоқда.
Шу ёзда Бразилия терма жамоаси жаҳон чемпионатида иштирок этади. Мундиалнинг гуруҳ босқичида "селесао" Шотландия, Марокаш ва Гаити терма жамоаларига қарши майдонга тушади.
