Dushanba kuni Transfermarkt portali sahifalarida Ispaniya chempionati futbolchilarining yangilangan narxlari e’lon qilindi. Narxi eng ko‘p ko‘tarilgan futbolchi "Barselona" yarim himoyachisi Fermin Lopes bo‘ldi. Uning qiymati 30 million yevroga oshib, endilikda 100 million yevroga baholanmoqda.
Ikkinchi o‘rinni "Vilyarreal" va "Barselona" yarim himoyachilari — mos ravishda Pape Guye va Mark Bernal bo‘lishib olishdi. Ularning har biri 20 million yevroga qimmatlashdi. Endilikda Guye 40 million yevroga, Bernal esa 30 million yevroga baholanmoqda.
To‘rtinchi pog‘onada esa so‘nggi paytlarda "Real"ning asosiy jamoasida to‘p surayotgan Tyago Pitarch qayd etildi. Uning narxi 566 foizga — 3 milliondan 20 million yevrogacha ko‘tarildi.













