Душанба куни Transfermarkt портали саҳифаларида Испания чемпионати футболчиларининг янгиланган нархлари эълон қилинди. Нархи энг кўп кўтарилган футболчи "Барселона" ярим ҳимоячиси Фермин Лопес бўлди. Унинг қиймати 30 миллион еврога ошиб, эндиликда 100 миллион еврога баҳоланмоқда.
Иккинчи ўринни "Вильярреал" ва "Барселона" ярим ҳимоячилари — мос равишда Папе Гуйе ва Марк Берналь бўлишиб олишди. Уларнинг ҳар бири 20 миллион еврога қимматлашди. Эндиликда Гуйе 40 миллион еврога, Берналь эса 30 миллион еврога баҳоланмоқда.
Тўртинчи поғонада эса сўнгги пайтларда "Реал"нинг асосий жамоасида тўп сураётган Тьяго Питарч қайд этилди. Унинг нархи 566 фоизга — 3 миллиондан 20 миллион еврогача кўтарилди.













