Fransiyaning «PSJ» klubi ustozi Luis Enrike Angliya Premyer-ligasining top-klublaridan birida ish boshlashi mumkinligi haqidagi xabarlarga izoh berdi.
«Bu ma’lumotlar qayerdan paydo bo‘layotganini tushunmayman. Mish-mishlarga e’tibor qaratmayman. Men hozirda «PSJ» murabbiyiman va bu yerda ishlayotganimdan faxrlanaman», — deya italiyalik jurnalist Fabrisio Romano ijtimoiy tarmoqlarda ispaniyalik mutaxassisning so‘zlarini keltirmoqda.
55 yoshli ispaniyalik mutaxassis Parij grandi bosh murabbiyi lavozimini 2023 yilning yozida egallagan edi. Tomonlar o‘rtasidagi amaldagi mehnat shartnomasi 2027 yil iyun oyi oxirida yakuniga yetadi.













