Франциянинг «ПСЖ» клуби устози Луис Энрике Англия Премьер-лигасининг топ-клубларидан бирида иш бошлаши мумкинлиги ҳақидаги хабарларга изоҳ берди.
«Бу маълумотлар қаердан пайдо бўлаётганини тушунмайман. Миш-мишларга эътибор қаратмайман. Мен ҳозирда «ПСЖ» мураббийиман ва бу ерда ишлаётганимдан фахрланаман», — дея италиялик журналист Фабрицио Романо ижтимоий тармоқларда испаниялик мутахассиснинг сўзларини келтирмоқда.
55 ёшли испаниялик мутахассис Париж гранди бош мураббийи лавозимини 2023 йилнинг ёзида эгаллаган эди. Томонлар ўртасидаги амалдаги меҳнат шартномаси 2027 йил июнь ойи охирида якунига етади.













