Turinning «Yuventus» klubi jamoa bosh murabbiyi Luchano Spalletti bilan shartnomani uzaytirishga tayyor.
"La Gazzetta dello Sport" nashrining xabar berishicha, tomonlar shartnomani 2027 yil yozigacha uzaytirishadi. Shu bilan birga, kelishuvni 2028 yilgacha uzaytirish imkoniyati ham bo‘ladi.
Kutilishicha, yangi shartnoma 5 aprelgacha rasman imzolanadi.
Luchano Spalletti Turin jamoasini 2025 yil oktyabridan beri boshqarib kelmoqda. Hozirgi paytda "Yuventus" Italiya chempionati jadvalida 29 turdan keyin 53 ochko bilan 5-o‘rinni egallab turibdi.













