Madridning «Real» klubi tez orada chap qanot himoyachisi Viktori Okori bilan mehnat shartnomasini imzolaydi. Bu haqda jurnalist Matteo Maretto xabar bermoqda.

Manbaning ta’kidlashicha, «qaymoqranglilar» «Alaves» yoshlar jamoasining 16 yoshli iqtidori uchun kechgan kurashda «Barselona», «Bavariya» va «Atletiko» klublarini ortda qoldirishdi. Futbolchi, shuningdek, muntazam ravishda Ispaniya o‘smirlar terma jamoasiga chaqirib turiladi.

Ispaniya chempionatining 28 turidan so‘ng, «qirollik klubi» turnir jadvalida ikkinchi o‘rinda bormoqda. Alvaro Arbeloa jamoasi hisobida 66 ochko mavjud. Peshqadam «Barselona» bilan oradagi farq to‘rt ochkoni tashkil etmoqda.