Мадриднинг «Реал» клуби тез орада чап қанот ҳимоячиси Виктори Окори билан меҳнат шартномасини имзолайди. Бу ҳақда журналист Маттео Маретто хабар бермоқда.

Манбанинг таъкидлашича, «қаймоқранглилар» «Алавес» ёшлар жамоасининг 16 ёшли иқтидори учун кечган курашда «Барселона», «Бавария» ва «Атлетико» клубларини ортда қолдиришди. Футболчи, шунингдек, мунтазам равишда Испания ўсмирлар терма жамоасига чақириб турилади.

Испания чемпионатининг 28 туридан сўнг, «қироллик клуби» турнир жадвалида иккинчи ўринда бормоқда. Альваро Арбелоа жамоаси ҳисобида 66 очко мавжуд. Пешқадам «Барселона» билан орадаги фарқ тўрт очкони ташкил этмоқда.