Planet Football portali talqiniga ko‘ra, Kevin de Bryoyne Angliya chempionati tarixidagi eng yaxshi pleymeykerlar ro‘yxatida birinchi o‘rinni egalladi. Jami 10 nafar futbolchini o‘z ichiga olgan ushbu reytingda pleymeykerlik mahorati yuqori baholangan.

Ro‘yxatni tuzishda pleymeykerlar shunchaki raqamlar (statistika) bilan o‘lchanadigan o‘yinchilar emas, balki maydonni ko‘ra olish qobiliyati, intellekti va kreativligi evaziga vaziyatlar yaratadigan futbolchilar ekani qayd etilgan. Shuningdek, pleymeykerning mehnatini faqatgina statistika bilan baholash qiyinligi aytib o‘tilgan.

Birinchi o‘rin Kevin de Bryuynega nasib etdi. Muallifning fikricha, u kreativlik, barqarorlik va jamoaga ta’sir o‘tkazish qobiliyatini o‘zida mujassam etgan. Ikkinchi o‘rindan faqat "Manchester Yunayted"da to‘p surgan va dunyoning eng buyuk futbolchilari tomonidan yuqori baholangan Pol Skoulz joy oldi. Kuchli uchlikni "Arsenal" va "Chelsi"dagi o‘yinlari orqali golli uzatmalar berish bo‘yicha musobaqa tarixidagi eng yaxshilardan biri bo‘lgan Sesk Fabregas yakunlab berdi.

Ro‘yxatning qolgan qismidan quyidagi futbolchilar joy olgan: Brunu Fernandesh ("Manchester Yunayted"), David Silva, Djanfranko Dzola, Mett Le TissYE, Luka Modrich, Mesut O‘zil va Xuan Mata.