Planet Football портали талқинига кўра, Кевин де Брёйне Англия чемпионати тарихидаги энг яхши плеймейкерлар рўйхатида биринчи ўринни эгаллади. Жами 10 нафар футболчини ўз ичига олган ушбу рейтингда плеймейкерлик маҳорати юқори баҳоланган.
Рўйхатни тузишда плеймейкерлар шунчаки рақамлар (статистика) билан ўлчанадиган ўйинчилар эмас, балки майдонни кўра олиш қобилияти, интеллекти ва креативлиги эвазига вазиятлар яратадиган футболчилар экани қайд этилган. Шунингдек, плеймейкернинг меҳнатини фақатгина статистика билан баҳолаш қийинлиги айтиб ўтилган.
Биринчи ўрин Кевин де Брюйнега насиб этди. Муаллифнинг фикрича, у креативлик, барқарорлик ва жамоага таъсир ўтказиш қобилиятини ўзида мужассам этган. Иккинчи ўриндан фақат "Манчестер Юнайтед"да тўп сурган ва дунёнинг энг буюк футболчилари томонидан юқори баҳоланган Пол Скоулз жой олди. Кучли учликни "Арсенал" ва "Челси"даги ўйинлари орқали голли узатмалар бериш бўйича мусобақа тарихидаги энг яхшилардан бири бўлган Сеск Фабрегас якунлаб берди.
Рўйхатнинг қолган қисмидан қуйидаги футболчилар жой олган: Бруну Фернандеш ("Манчестер Юнайтед"), Давид Сильва, Джанфранко Дзола, Мэтт Ле Тиссье, Лука Модрич, Месут Ўзил ва Хуан Мата.
