«PSJ» Chempionlar ligasi 1/8 finalining javob uchrashuvida «Chelsi» ustidan 3:0 hisobida g‘alaba qozondi. O‘yin Angliyadagi «Stemford Bridj» stadionida bo‘lib o‘tdi.
6-daqiqada Xvicha Kvarasxeliya hisobni ochdi. Oradan 8 daqiqa o‘tib, Bredli Barkolya mehmonlarning ustunligini ikki barobarga oshirdi. Ikkinchi bo‘lim boshida zaxiradan maydonga tushgan Senni Mayulyu hisobni yirik ko‘rinishga olib keldi.
Dastlabki o‘yinda ham 5:2 hisobida g‘alaba qozongan «PSJ» ikki uchrashuv natijasiga ko‘ra chorak finalga chiqdi.
Chempionlar ligasi. 1/8 final
18.03.2026 | 01:00
«Stemford Bridj», London
«CHELSI» — «PSJ» — 0:3
Gollar: Xvicha Kvarasxeliya 6 (0:1), Bredli Barkolya 15 (0:2), Seni Mayulu 62 (0:3).
Birinchi o‘yin: 2:5.
«Chelsi»: Sanches, Xato, Chaloba, Kukurelya (Adarabioyo, 71), Sarr (Achimpong, 46), Santos, Kaysedo, Fernandes (Lavia, 60), Joao Pedro (Delap, 59), Pedru Netu, Palmer (Garnacho, 59).
«PSJ»: Safonov, Markinyos, Pacho, Nunu Mendesh (Ernandez, 66), Xakimi, Vitinya, Joau Nevesh (Mayulu, 46), Zair-Emeri, Kvarasxeliya (Li Kan In, 73), Barkolya (Due, 59), Dembele (Ramush, 66).
