«PSJ» hujumchisi Xvicha Kvarasxeliya Chempionlar ligasi 1/8 finali doirasida «Chelsi»ga qarshi kechgan javob uchrashuvining (3:0) eng yaxshi futbolchisi deb topildi. 25 yoshli gruziyalik futbolchi ushbu bahsda 73 daqiqa harakat qildi va bitta gol muallifiga aylandi.
«PSJ» chap qanotni Xvicha uchun ochiq qoldirdi, u esa to‘pni qabul qilib, har safar ajoyib nazorat namoyish etgan holda hujumga o‘tdi. Vinger ajoyib gol urdi, to‘pni ishonchli boshqardi va jamoadoshlarini hayratlanarli uzatmalar bilan ta’minlab turdi», — deya ta’kidladi UEFA texnik kuzatuvchilar guruhi.
Dastlabki o‘yinda ham 5:2 hisobida g‘alaba qozongan «PSJ» ikki uchrashuv natijasiga ko‘ra chorak finalga yo‘l oldi. U yerda parijliklar «Galatasaroy» — «Liverpul» (birinchi o‘yin — 1:0) juftligi g‘olibi bilan to‘qnash kelishadi.
