Superliga 4-turidan o‘rin olgan "Andijon" — "Mash’al" (2:0) uchrashuvidan so‘ng mehmon jamoa bosh murabbiyi Igor Surov o‘yindan keyingi matbuot anjumanida ishtirok etdi.

"Chetlatish o‘yin natijasiga ta’sir o‘tkazgani hech kimga sir emas. Chetlatishdan so‘ng o‘zgarishlarga qo‘l urdik, ammo yordam bermadi. Harakat qildik va vaziyatlarga ega bo‘ldik. Omad yetishmadi. Bir kishi kam bo‘lib qolmaganimizda umuman boshqacha o‘yin bo‘lardi", — dedi Igor Surov uchrashuvdan so‘ng.

— "Mash’al"dan bunchalik kuchsiz o‘yin kutmagandim. Buning sababi nimada?
— 12-daqiqada futbolchimiz maydondan chetlatildi. O‘zingiz o‘yinni tomosha qildingiz-ku. Bir kishi kam bo‘lib o‘ynash kuchsiz o‘yinmi? Biz o‘z vaziyatlarimizga ham ega bo‘ldik-ku. Aksincha biz juda munosib o‘ynadik.

— "Mash’al" to‘rtta uchrashuvning barchasida mag‘lub bo‘ldi va yangi mavsumda gol urmadi...
— Muammolarimizni tushunib turibman, ammo statistika bo‘yicha har bir o‘yinda ko‘p vaziyatlar yaratmoqdamiz. Realizasiya oqsamoqda. Bugun ham biri kishi kam bo‘lib qolishimizga qaramay gol urishimiz mumkin edi. Yigitlar harakat qilishmoqda. Kayfiyat yaxshi. Yana bir bor takrorlayman, agar bir kishi kam bo‘lib qolmaganimizda umuman boshqacha futbol namoyish etgan bo‘lardik.

— Yangi mavsum boshlanishiga 15 kun qolganda keldingiz. Tarkibni va jamoa o‘yinini qanchalik o‘zingizga mos qilib o‘zgartirib oldingiz?
— Tabiiyki har bir murabbiyning o‘z talabi bo‘ladi. Mening o‘yin uslubim ham boshqacha. Jamoa bir kunda shakllanib qolmaydi. Tarkibimiz ham o‘zgardi. Buning barchasiga vaqt kerak. Albatta, o‘zgartirmoqchi bo‘lgan jihatlar ko‘p, lekin bizda ishonch bor.