«Chelsi»ning so‘nggi paytlardagi natijalari ko‘ngildagidek emas. «Ko‘klar» fevral oyi boshidan buyon Premyer-liganing oltita o‘yinida bor-yo‘g‘i ikkita g‘alabaga erishdilar, shuningdek, Chempionlar ligasining 1/8 finalida «PSJ»ga ikki o‘yin natijasiga ko‘ra 2:8 hisobida imkoniyatni boy berib, musobaqani tark etdilar.
Jurnalist Fabrisio Romano xabar berishicha, yaqqol pasayishga qaramay, «Chelsi» rahbariyati murabbiy Liam Rosenyorga to‘liq ishonch bildirmoqda. Hozirgi vaqtda 41 yoshli mutaxassisning lavozimiga hech narsa xavf solayotgani yo‘q — klub uning g‘oyalarini amalga oshirishi uchun vaqt berishga tayyor.
Liam Rosenyor «Chelsi» boshqaruvini yanvar oyida Enso Mareskaning o‘rniga egallagan edi. Ingliz mutaxassisining shartnomasi 2032 yilning o‘rtalarigacha mo‘ljallangan.
